Xerjoff

Xerjoff – italyan niş parfümeriya brendidir. Brend Sergio Momo və Dominique Salvo tərəfindən 2003-2004-cü illərdə yaradılmışdır. Brendin yaradıcıları işə başlayarkən 1888-ci ildə yaradılan Casamorati ətir markasını alırlar. Bu markanın ilk ətri 2009-cu ildə yaradılmışdır. Xerjoff Sonia Espelta, Laura Santander, Roja Dove kimi ətriyyatçılarla əməkdaşlıq etmişdir. Brendin fəlsəfəsini iki sözlə ifadə etmək olar: “Naturae Xquisite” (latın dilindən. – təbiətin incəliyi). Bu ətirlərin hər bir detalı xüsusi diqqətlə işlənib hazırlanır, istehsal olunan ətirlərin sayı isə məhdud sayda olur. Ətir flakonalarının Venesiya şüşəsindən hazırlanması ətirləri daha dəyərli və nadir edir.  Xerjoff Ətir Evi Sospiro Perfumes markasına məxsusdur.