Serge Lutens

Serge Lutens Avropanın və dünyanın ən məşhur parfümerlərindən biridir. Bir çox müasir ətriyyatçılardan fərqli olaraq, Serge Lutens öz ticarət nişanının yaranmasından çox öncə populyarlıq qazanmışdır.

1963-1968-ci illərdə Maestro Lutens məşhur "Vogue" jurnalının üz qabığını hazırlamışdır. Daha sonra 12 il Christian Dior-da çalışaraq dekorativ kosmetika seriyası yaradır. Əsl şöhrəti o, Shiseido brendi ilə işlədiyi zaman qazanır.

Lutens 2000-ci ildə özünün eyniadlı brendini təsis edir. Serge Lutens ətirləri digər brendlərin məhsullarına bənzəmirlər. Onların hər biri sevgi və romantika ilə doludur və hər birinin öz hekayəsi var. Lutens risk etməkdən qorxmur və bəzən parfümeriyada nadir hallarda rast gəlinən inqrediyentlərdən, nadir və spesifik notlardan istifadə edir.