Dolce&Gabbana
Dolce&Gabbana –
Domenico Dolce və Stefano Gabbananın birlikdə təsis etdikləri markadır. Sözügedən
marka, 1985-ci ildə Milanda yaradılmışdır. Domenico uşaqlıqdan tikişə, dizayna
olduqca həvəsli olduğundan, onu “Geyimin Mozartı” adlandırırdılar. Stefano isə
rəsm və incəsənətə maraq göstərir. Tanışlıqları Milanda atelyedə, assistent
olaraq çalışdıqları zamana təsadüf edir. Eyni zövqə və baxış bucağına malik
olmaları onları yeni marka yaratmağa sövq edir.
İlk kolleksiya təqdimatları
1985-ci ilə təsadüf edən brend, ilk olaraq qadın geyim kolleksiyası ilə çıxış
etsə də, daha sonra kişi geyimləri, qadın-kişi alt geyimləri, çimərlik geyimləri,
aksessuarlar və ətriyyat istehsal edir.
Markanın məhşurların
seçimi olması onu daima maraq dairəsində saxlayır. Jennifer Lopez, Whitney Houston, Kylie Minouge, Madonna və s. ulduzlar bu markanın geyimlərini
qarderoblarına daxil edirlər. Mütəmadi olaraq xeyriyyə aksiyalarına qatılan
brend, bu gün də aktuallığını qoruyub-saxlayır.
