Balenciaga

Balenciaga –  1918-ci ildə, San-Sebastianda Cristobal Balenciaga tərəfindən əsası qoyulmuşdur. Dövrünün dahisi adlandırılan Balenciaga bir çox dəb trendlərinin əsasını qoymuşdur. 1937-ci ildə Parisdə Moda evinin açılışını edən dizayner, tezliklə Parisdə, daha sonra dünyada məhşurlaşır. Balenciaganı hər zaman fərqləndirən tərz, hərəkətli qadın ətəkləri, “baby doll” don, şar formasında dizayn olunmuş ətəklər və geniş (oversize) geyimlərdir. Paris butikinin açılışından iki il sonra Balenciaga “Dəb aləminin inqilabçısı” adlandırılır. Dizaynerin məhşurluğu o həddə çatır ki, İkinci Dünya Müharibəsi zamanı, alıcılar dizaynerin əl işləri ilə tanış olmaq üçün riskə gedərək, Avropaya səyahət edirlər. Dizaynerin alıcılarının siyahısında olduqca tanınmış Hollivud ulduzları və dövlət xadimərinin xanımları (Elizabeth Taylor, İspan və Belçika kral ailəsi, Jacqueline Kennedy və s.) yer alır.

1947-ci ildə Balenciaga “Le Dix” adlı ilk ətrini yaradır. Kameralardan və mediadan uzaq olmağına baxmayaraq, ilk ətrin siması məhz Balenciaga özü olur.

1968-ci ildə dizayner təqaüdə çıxdığını açıqlayır. 1972-ci ildə isə dünyasını dəyişir. Dizaynerin ölümündən 14 il sonra marka 1987-ci ildə fəaliyyətini bərpa etsə də, əvvəlki popularlığı əldə edə bilmir. 1992-ci ildə Josephus Trimester kreativ-direktor təyin olunduqdan sonra marka yenidən məhşurlaşır. 2001-ci ildən marka Gucci Group tərəfindən idarə olunur. Demna Gvasalia hazırda Moda evinin art-direktorudur.