Acqua Di Parma

Acqua Di Parma 1916 – cı ildə, Parma - zəngin tarixi olan kiçik italyan şəhərinin mərkəzində yaradılmış niş ətir brendidir. Brend yaranan zaman, ətir bazarında ingilis və fransız ətirləri amansız rəqabət aparırdılar. Lakin Acqua Di Parma, alıcılarına həmin dövrün sərt qoxulu ətirlərindən fərqli olaraq, daha sərin və yüngül odekolon vəd edirdi.

1930 - cu illərdə Colonia Acqua di Parma artıq klassika, İtalyan üslubunun və zərifliyin simvolu adlandırılmışdır. İki onilliklər sonra isə brendin qızıl dövrü başladı. İtaliyaya, kino çəkilişləri üçün gələn Hollivud ulduzları, italyan dəsti-xətti ilə tanış olan zaman, “italyansayağı” ətir də, bu tanışlığa daxil olur. Lüks dərzi atelyelərində, geyim hazır olan zaman, geyimə məhz bu odekolonlar püskürdülürdü. Dövrün sevilən məhşurları, Eva Gardner və Lana Turner, daha sonra Audrey Hepburn, Acqua di Parma-nı sevərək - seçən məhşurlardan idilər.

1960-cı illərdə ətriyyat bazarı istehsal böhranı ilə üzləşdi. Rəqabət aparan şirkətlər tərəfindən çox böyük təzyiq, İtalyan markasını köhnə zirvələrdən uzaqlaşdırdı, lakin məhv etmədi.

Acqua di Parma-nın dirçəlişi 1993-cü ilə təsadüf edir. Dövrün üç böyük iş adamı, Cordero di Montezemolo (Ferrari şirkətinin prezidenti), Dieqo del Vale (Tod ' s-ın təsisçisi və sahibi) və Paolo Borgomanero (La Perla qrupunun həmtəsisçisi), markaya sevgi və klassik italyan ənənəsini qorumaq arzusu ilə, şirkətə sərmayə qoyaraq, onu yenidən canlandırırlar.

2001-ci ilin sentyabr ayında markanın uzun tarixində yeni fəsil başlandı: Acqua di Parma şirkəti dünyada bir nömrəli lüks holdinq olan LVMH şirkətinə daxil oldu. Lakin buna baxmayaraq, o, ənənələrə sadiq qalır. Bu günlərdə belə, essensiya yalnız əl ilə alınır və qablaşdırma sınaqdan keçirilmiş texnologiya üzrə bacarıqlı sənətkarlar tərəfindən aparılır. Lüks bilicilərindən olan, Acqua di Parma, əsas detallara, inqredientlərin seçiminə, əl işlərinə, yaradılmış məhsulların əla üslubuna və misilsiz keyfiyyətinə diqqət yetirir.